საქართველოს პრეზიდენტი იმედოვნებს, რომ ის რაზეც დღეს მან პარლამენტში ისაუბრა ქვეყნის წინსვლაზე დადებითად იმოქმედებს.

ამის შესახებ გიორგი მარგველაშვილმა ფრაქციების თავმჯდომარეების გამოსვლის შემდეგ, შემაჯამებელი გამოსვლისას განაცხადა.

„იმედი მაქვს, ის, რაზეც დღეს ვისაუბრეთ, დადებით გავლენას მოახდენს ჩვენი ქვეყნის წინასვლასა და განვითარებაზე. ასევე ვიმედოვნებ, რომ იმ საკითხების გადაწყვეტაში, რომელიც მნიშვნელოვანია ჩვენი პოლიტიკური სისტემის გაძლიერებისთვის, აქტიურად ჩაერთვებიან როგორც პარლამენტის დეპუტატები, ასევე მთავრობის, თვითმმართველობის, საზოგადოების, არასამთავრობო ორგანიზაციებისა და პოლიტიკური პარტიების წარმომადგენლები. იმედია ჩვენი დღევანდელი დისკუსია ქვეყნის განვითარებას წაადგება", - განაცხადა პრეზიდენტმა.