„რესპუბლიკური პარტიის“ ერთ-ერთი ლიდერი თინა ხიდაშელი პრეზიდენტს ადანაშაულებს იმაში, რომ საკანონმდებლო ორგანოში დღეს მთავრობის წევრები არ მივიდნენ.

ამის შესახებ ხიდაშელმა პარლამენტში სიტყვით გამოსვლისას განაცხადა.

„მინდა გამოვეხმაურო იმ ადამიანებს, ვისაც თვალში ცუდად ხვდება ეს ცარიელი სკამები. მეც ნამდილად ვეკუთვნი იმ ადამიანებს, ვისაც ეს ცარიელი სკამები თვალში ხვდება. ველოდები, რომ ბატონი პრეზიდენტი მოახრეხებს მომავალ წელს უფრო ეფექტიან პოლიტიკური დიალოგს დღევანდელი მმართველი გუნდის ლიდერთან, პრემიერთან და აქ აღარ იქნება ცარიელი ადგილები. საქართველოს მოსახლეობას არ აინტერესებს, ამას როგორ მოახერხებს ქვეყნის პრეზიდენტი. მას სჭირდება შედეგები და ეს საკითხი საქართველოს პრეზიდენტის მოსაგვარებელია“,- განაცხადა ხიდაშელმა.