ფრაქცია „თავისუფალი დემოკრატების“ თავმჯდომარის ირაკლი ჩიქოვანის თქმით, „ქართულმა ოცნებამ“ ბიძინა ივანიშვილის და სხვა ლიდერების მიმართ ნდობის დიდი ნაწილი გაფლანგა.

ამის შესახებ ჩიქოვანმა პარლამენტში სიტყვით გამოსვლისას განაცხადა.

"გაფლანგა ნდობა, რომელიც მიზნად ისახავდა არა კონკრეტული პირების, არამედ კონკრეტული მმართველობის ფორმის მოსპობას. ეკონომიკურმა კრიზისმა ყველა ოჯახში შეაღწია და ამის მიზეზად მხოლოდ რეგიონში არსებული ვითარების მიყვანა საკმაოდ რთულ პირობებში ამყოფებს საზოგადოებას. ხელისუფლებამ სტაბილურობის სახელით ქვეყნის ევროპული და ევროატლანტიკური კურსის კითხვის ქვეშ დააყენა, რაც ძალიან ჰგავს „ნაციონალური მოძრაობის“ მხრიდან სტაბილურობის სახელით დემოკრატიის შეზღუდვას. ხელისუფლებას არაფერი დარჩენია, გარდა იმისა, რომ "ნაციონალური მოძრაობის" მობრუნების შიშით შეაკავოს საზოგადოებაში მის მიმართ სწრაფად დაგროვილი რისხვა“, - განაცხადა ჩიქოვანმა.