ფრაქცია „მრეწველების“ თავმჯდომარე გოგი თოფაძე პრეზიდენტს მედიასთან შუამდგლომლობას სთხოვს.

ამის შესახებ თოფაძემ პარლამენტში სიტყვით გამოსვლისას განაცხადა.

მისი თქმით, დღეს მედია არაობიექტურია და რეალობას არასორად აშუქებს.

„ალბათ თქვენ საღამოობით ხშირად უყურებთ გადაცემებს და აკვირდებით, რომ არასწორად აშუქებენ რეალობას. საზოგადოება ხვდება, რომ ეს სინამდვილეს არ შეესაბამება, მაგრამ შეიძლება მილიონობით ადამიანი ამ მდგომარეობაში ჩავაყენოთ? არც ერთი დადებითი და პოზიტიური არ შუქდება. ვფიქრობ, თქვენ იქნებ ესაუბროთ ამათ. არ შეიძლება განუწყვეტლივი ლანძღვა იმ ხელისუფლების, რომელიც ნაბიჯ-ნაბიჯ მიდის წინ. ბიძინა ივანიშვილმა როდესაც პრემიერი იყო განაცხადა, რომ პრესა თავისუფალია. თავისუფალია, მაგრამ რამდენად ობიექტურია? ვფიქრობ ბატობო პრეზიდენტო, რომ შეიძლება ამ საკითხით დაინტერესდეთ და თქვენი პრინციპული პოზიცია უთხრათ მედიის წარმომადგენლებს“, - განაცხადა თოფაძემ.