მოსახლეობა ფიცრებით, ნამგლებით მოვა და აქედან გაგვიყვანს, პირველ რიგში უმრავლესობას- ლონდარიძე

პოლიტიკა - 16:09, 31 Mar, 2015

3644

ფრაქცია "ნაციონალური მოძრაობა-რეგიონების" ხელმძღვანელის ტარიელ ლონდარიძის განცხადებით მთავრობამ პარლამენტში არმოსვლით პრეზიდენტისადმი უპატივცემულობა გამოავლინა, მისი თქმით მინისტრებმა ვერ გაბედეს ივანიშვილის მითიტებას შეწინააღმდეგებოდნენ.

"დღეს ნამდვილად აღსანიშნავი დღეა, რომ პრეზიდენტი პარლამენტში იმყოფება. გულდასაწყვეტია, რომ დღეს პარლამენტში არ იმყოფებიან მთავრობის წარმომადგენლები და სკამები ცარიელია. ეს ჩემთვის მიუღებელია. მე მინდა ვთქვა, რომ მთავრობის ეს გადაწყვეტილება აღიქმება მთავრობის მხრიდან პრეზიდენტის ინსტიტუტის უპატივცემულობად. ივანიშვილის კონკრეტულ მითითებას ვერ ასცდა დღევანდელი ხელისუფლება და ვერ გაბედა, რომ მოსულიყო და პატივი ეცა პრეზიდენტისა და პარლამენტისთვის და მოესმინა ის დადებითი თუ უარყოფითი კრიტიკა მის მიმართ“- განაცხადა ტარიელ ლონდარიძემ.

დეპუტატის თქმით მთავრობას არც კრიტიკის მოსმენა სურს და არც მოქმედების გეგმა გააჩნია, ამ ფონზე კი მოსახლეობა ღარიბდება და მოთმინებაც ეწურება:

"ხადური ამბობს, რომ კრიზისი არ არის და არც გეგმა არ არსებობს, არადა რეალურად ვითარება სხვა არის. ეკონომიკური კრიზისი ქვეყანაში ნამდვილად არსებობს, თუმცა მთავრობას გეგმა არ აქვს ეს კი არის მიზეზი რატომაც არ მოვიდა მთავრობა დღეს პარლამენტში. მათ ხალხთან სალაპარაკო არ აქვთ. ნუ დაელოდებით იმ დროს, რომ მოსახლეობა, რომელიც ყოველდღიურად ღარიბდება მოვა ფიცრებით და ნამგლებით და გაგვიყვანს აქედან. პირველ რიგში ეს უმრავლესობას ეხება,"- აღნიშნა ლონდარიძემ.