ხათუნა მიქაცაძე ჯანელიძის მრჩეველი საზოგადოებასთან და პრესასთან ურთიერთობის კუთხით იქნება

პოლიტიკა - 14:40, 31 Mar, 2015

4212

ხათუნა მიქაცაძემ თავდაცვის მინისტრის მრჩევლად მისი დანიშვნის შესახებ გავრცელებული ინფორმაცია „ნიუპოსტს“ პირადად დაუდასტურა. მიქაცაძის განცხადებით, თავდაცვის მინისტრის მრჩევლის პოსტზე მის დანიშვნას არანაირი კავშირი არ აქვს მისი მეუღლის, ლუკა კურტანიძის საქმიანობასთან.

ხათუნა მიქაცაძის თქმით, მას პროფესიული საქმიანობის კუთხით გააჩნია დიდი გამოცდილება და ამ პოსტზე მისი დანიშვნა გასაკვირი არავისთვის არ უნდა იყოს.

„ვადასტურებ, რომ მე, ხათუნა მიქაცაძე, ლუკა კურტანიძის მეუღლე დავინიშნე თავდაცვის მინისტრის მრჩევლად საზოგადოებასთან და პრესასთან ურთიერთობის კუთხით. ის, რომ ლუკა კურტანიძე არის ჩემი მეუღლე არ არის ჩემი სისუსტე, ეს არის ჩემი ძალა და გულწრფელად მიხარია, რომ დღეს ჩემს გვერდით დგას ადამიანი, რომელიც არის საქართველოში პატრიოტობის, გამარჯვების, სამართლიანობის სიმბოლო. მე 1996 წლიდან უწყვეტად ვმუშაობდი სხვადასხვა საერთაშორისო, კერძო თუ საჯარო უწყებებში და ვარ ერთერთი პირველი ადამიანი, რომელმაც ფლობს მაგისტრის ხარისხს პიარ ტექნოლოგიებში,“-განაცხადა ხათუნა მიქაცაძემ.

ხათუნა მიქაცაძე სხვადასხვა დროს მუშაობდა, საქართველოს პარლამენტის საფნანსო საბიუჯეტო კომიტეტის აპარატში, ფინანსთა სამინისტროს პიარის განყოფილებაში, "ფლაი ჯორჯიას" დირექტორის მრჩვევლად საზოგადოებასთან და პრესასთან ურთიერთობის საკითხებში, სამი წლის განმავლობაში კი დღემდე კომპანია „ზედაზენის“ პიარის სამსახურის ხელმძღვანელი იყო.