პრეზიდენტი გიორგი მარგველაშვილი ფიქრობს, რომ სახელმწიფო უწყებებს შორის ფუნქციათა დუბლირება ხდება.

ამის შესახებ გიორგი მარგველაშვილმა პარლამენტში სიტყვით გამოსვლისას განაცხადა.

ამ კონტექსტში პრეზიდენტმა ახლად შექმნილი საგარეო პოლიტიკის უწყებათაშორისი საბჭო დაასახელა.

„ეს საბჭო საგარეო საქმეთა სამინისტროსა და მთავრობის ფუნქციათა ნაწილობრივ დუბლირებას ახდენს. მინდა აღვნიშნო საგარეო საქმეთა სამინისტროს როლი. მას კანონმდებლობით ევალება სხვა სახელმწიფოებთან და საერთაშორისო ორგანიზაციებთან ურთიერთობების წარმართვა. ამ ერთობ მნიშვნელოვან მისიას ბუნებრივია, ყველამ უნდა შევუწყოთ ხელი. არ უნდა დავუშვათ ფუნქციათა დუბლირება ან გაფანტვა სხვადასხვა სახელმწიფო უწყებებს შორის“, - აღნიშნა პრეზიდენტმა.