"იმედია ეს პროცესი აღარ გაჭიანურდება" - პრეზიდენტი შსს-ს და პროკურატურის რეფორმირებაზე

პოლიტიკა - 14:11, 31 Mar, 2015

1055

პრეზიდენტი პროკურატურის და შინაგან საქმეთა სამინისროს რეფორმირებაზე საუბრობს.

როგორც გიორგი მარგველაშვილმა განაცხადა, პროკურატურის პოლიტიზირებაზე საუბარი ერთხელ და სამუდამოდ უნდა დამთავრდეს.

„ერთხელ და სამუდამოდ უნდა მოიხსნას კითხვები პროკურატურის პოლიტიზირებაზე. როგორ უნდა აგაკეთდეს ეს. როგორც ბევრ სხვა შემთხვევაში პროკურატურასთან დაკავშირებით სწორი პასუხები კოალიციის პროგრამაში შეიძლება მოიძებნოს. საჭირო იყო რეფორმების დროული განხორციელება. უნდა განისაზღვროს პროკურატურის ინსტიტუციური სტატუსი, მისი ადგილი სახელისუფლებო სტრუქტურებში. ამასთან შედეგების მისაღწევად საჭიროა სწორი საკადრო პოლიტიკა. სწორედ მაღლკვალიფიციური პროკურორების მიერ გამოძიებული საქმეები დროულად და კვალიფიციურად უნდა იგზავნებოდეს სასამართლოში რათა გაწელილ პროცესებთან დაკავშირებით კითხვები გამოირიცხოს“, - აღნიშნა პრეზიდენტმა.

მისი თქმით, ასევე კოალიციის წინასაარჩევნო დაპირება იყო, რომ შინაგან საქმეთა სამინისტრო საშინაო საქმეთა სამინისტროდ გარდაიქმნებოდა და მას უშიშროების სამსახური გამოეყოფოდა.

„აუცილებელია შინაგან საქმეთა სამინისტროს რეფორმირების პროცესიც. კოალიციის წინასაარჩევნო პროგრამით საზოგადოებას შვეპირდით, რონ შინაგან საქმეთა სამინისტრო საშინაო საქმეთა სამინისტროდ გარდაიქმნებოდა და მისგან უშიშროების სამსახური გამოიყოფოდა და მათი საქმიანობის დამოუკიდებლობის უზრუნველყოფას. საჭირო იყო ამ ნაიჯების დროულად გადადგმა. იმედია ეს პროცესი აღარ გაჭიანურდება და საზოგადოებრივი კონტროლის პირობებში წარიმართება“, - განაცხადა პრეზიდენტმა.