უმრავლესობის წევრის ზვიად ძიძიგურის თქმით, ხშირ შემთხვევაში არასამთავრობოები და ჟურნალისტები უმრავლესობის წევრებს უსმენენ, ვიდრე პირიქით.

ამის შესახებ ძიძიგურმა ჟურნალისტებთან საუბრისას განაცხადა.

„მმართველი გუნდის წევრები ფარული მოსმენებისგან პარლამენტის კედლებშიც კი დაუცველნი არიან. ხშირად წავაწყდებით ხოლმე მასობრივი ინფორმაციის საშუალებებში ჩვენს პარტიულ თუ კოალიციის შეკრებებზე სიტყვა-სიტყვით გადაცემულ რეპორტაჟებს. ფარულ მოსმენას პირიქით უმრავლესობის მიმართულებით ახორცელებენ, ვეჭვობ არასამთავრობოები, ჟურნალისტები და სხვები. ფარული მოსმენები არ უნდა ხდებოდეს ქვეყანაში და ეს ეხება, როგორც ხელისუფლებას, ასევე სხვებს“, - განაცხადა ძიძიგურმა.

ფარული მიყურადების ე.წ. ორგასაღებიანი სისტემა დღეიდან ამოქმედდა. პარლამენტის მიერ მიღებული კანონის თანახმად, პერსონალურ მონაცემთა დაცვის ინსპექტორს ეძლევა შესაძლებლობა, რომ ზედამხედველობა გაუწიოს ფარული საგამოძიებო მოქმედების სატელეფონო საუბრის ფარულ მიყურადღებას.