საყდრისის გადარჩენის კომისიის მოთხოვნებს კულტურის მინისტრი ეხმაურება. მიხეილ გიორგაძის თქმით, ადგილზე რამდენიმე ექსპედიცია ჩატარდა, რომელმაც დაადგინა, რომ იქ არსებულ ტერიტორიაზე არქეოლოგია არ არის დადასტურებული.

„4 მონიტორინგის ექსპედიცია იყო უკვე ორი კვირის გამოტოვებით ობიექტზე. ოფიციალური დასკვნით, არქეოლოგია დადასტურებული არ არის. გარკვეულწილად იმ ინსტიტუციებს უნდა დავეყრდნო, ვისაც ამის შესაბამისი კომპეტენცია აქვს, ამ შემთხვევაში ჩემთვის, როგორც მინისტრისთვის ეს არის კულტურული მემკვიდრეობის დაცვის სააგენტო“, - განაცხადა გიორგაძემ.

შეგახსენებთ, საყდრისის გადარჩენის კომიტეტის წევრებმა მთავრობის კანცელარიასთან აქცია გამართეს. ისინი მოითხოვენ, რომ საბადოს ჯერ კიდევ აუთვისებელი ტერიტორია ქართველმა და გერმანელნმა მეცნიერებმა შეისწავლონ. ისინი აქციების შეწყვეტას არ აპირებენ.