ვიცე-პრემიერი გიორგი კვირიკაშვილი მიიჩნევს, რომ სპორტისა და ახალგაზრდობის საქმეთა მინისტრის ლევან ყიფიანის გადაყენებაზე საუბარი არ უნდა იყოს.

ამის შესახებ კვირიკაშვილმა ჟურნალისტებთან საუბრისას განაცხადა.

"ყველა ადამიანის მუშაობაში შეიძლება იყოს რაღაც ხარვეზი და დადებითი. ლევან ყიფიანის გადაყენებაზე საუბარი არ უნდა იყოს. ვფიქრობ, რომ ის ძალიან ბევრს აკეთებს იმ მიმართულებისათვის, რაც აქვს ჩაბარებული", - განაცხადა გიორგი კვირიკაშვილმა.

შეგახსენებთ, სპორტის კომიტეტმა შესაძლოა მინისტრის, ლევან ყიფიანის გადაყენების პროცედურა დაიწყოს. როგორც ცნობილია, კანონმდებლები ყიფიანს სპორტის კომიტეტის დახურულ სხდომაზე შეხვდნენ. კომიტეტის წევრის ლუკა კურტანიძის თქმით, დეპუტატებს მინისტრთან ბევრი შეკითხვა აქვთ.