უკრაინის პრეზიდენტის მრჩეველი მიხეილ სააკაშვილი ოდესაში ჩავიდა, სადაც ის უკრაინის საზღვაო გადამზიდავთა გაერთიანებამ მიიწვია.

ცნობილია, რომ უკრაინელმა ბიზნესმენებმა სააკაშვილს თხოვნით მიმართეს ოდესის პორტში აღმოიფხვრას კორუფცია.

მათ პრობლემებს საქართველოს ექსპრეზიდენტთან ერთად, უკრაინის იუსტიციის მინისტრის პირველი მოადგილე გია გეწაძეც გაეცნო.

„ზუსტად ისეთი მდგომარეობაა, როგორიც საქართველოში 2004 წელს იყო. ამოცანა არის ის, რომ არა მხოლოდ ჩვენი გამოცდილება გავაცნოთ, არამედ მთავრობას და პრეზიდენტს ჩაუტანოთ ინფორმაცია იმის თაობაზე, თუ რა უნდა შეიცვალოს და ასევე ზუსტი სქემები დაუხატოთ, თუ როგორ გაუადვილოთ ხალხს ცხოვრება. უკრაინაში ახლა სოციალურად მძიმე ფონია და მთავრობა მინიმუმ ნერვებს არ უნდა უშლიდეს ხალხს. ვფიქრობ შევძლებთ ამ სფეროში უკრაინელებისთვის გარღვევა მოვახდინოთ“, - განაცხადა სააკაშვილმა.