თავდაცვის მინისტრი მინდია ჯანელიძე პარლამენტში მისვლას გეგმავს. მისი თქმით, თავდაცვის უწყება ვალდებულია, საკანონმდებლო ორგანოს ანგარიში პერიოდულად წარუდგინოს. თუმცა როდის გეგმავს მინისტრი დეპუტატების წინაშე წარდგენას არ აკონკრეტებს.

„ვგეგმავ პარლამენტში მისვლას, თუმცა არა „დემოკრატების“ მოთხოვნის გამო, არამედ იმიტომ, რომ თავდაცვის სამინისტრო, როგორც აღმასრულებელი ხელისუფლების ერთ-ერთი მნიშვნელოვანი უწყება, ანგარიშვალდებულია პარლამენტის მიმართ და როგორც მინისტრს, მიმაჩნია, რომ პერიოდულად უნდა ხდებოდეს მისთვის ანგარიშის წარდგენა. თუმცა როდის მოხდება ეს, ზუსტ თარიღს უახლოეს მომავალში დაიგებთ“, - განაცხადა ჯანელიძემ.

შეგახსენებთ, მინდია ჯანელიძის პარლამენტში მისვლას „თავისუფალი დემოკრატები“ ითხოვენ.