,,...სამი ტრუპი კიდევ დაიდება“ - როგორ აპირებს ინაშვილი სააკაშვილ-ადეიშვილის ჩამოყვანას

პოლიტიკა - 21:22, 29 Mar, 2015

6100

“საქართველოს პატრიოტთა ალიანსის“ ლიდერი ირმა ინაშვილი უკრაინიდან საქართველოს ყოფილი მაღალჩინოსნების, მათ შორის ექსპრეზიდენტის ჩამოყვანას ითხოვს. ამის შესახებ ინაშვილმა ,,იმედის კვირაში“ ბესო ხარძიანის მკვლელობასთან დაკავშირებით განაცხადა.

,,თუ ამას ხელისუფლება ვერ აკეთებთ ჩვენ ჩამოვიყვანთ...“- განაცხადა ინაშვილმა, რაზეც შალვა რამიშვილმა ჰკითხა, თუ როგორ აპირებდა ყოფილი მაღალჩინოსნების ჩამოყვანას.

,,როგორ ეს ჩვენი საქმა...“ - უპასუხა ირმა ინაშვილმა.

ინაშვილი ბოლო დროს მომხდარ მკვლელობებში ყოფილი ხელისუფლების წარმომადგენლებს ადანაშაულებს. მისივე თქმით, „ქვეყანაში თუ ხელისუფლება არ გააქტიურდა, კიდევ მინიმუმ სამი ტრუპი დაიდება“.

„გუშინ მომხდარი მკვლელობა და აქამდე ჩადენილი მკვლელობები იმ გუნდს უკავშირდება, რომელიც ახლა კიევშია. ქვეყანაში ორგანიზებული ტერორი დამკვიდრდა და ეს ყველაფერი დღევანდელი ხელისუფლების უმოქმედობის პასუხია. სააკაშვილს, ადეიშვილს და „ნაციონალური მოძრაობების“ წევრებს არ აწყობს საქართველოში არსებობდნენ ისეთი ადამიანები, რომლებიც სამართლიანობის აღდგენაზე, დემოკრატიაზე და დამნაშავეების დასჯაზე საუბრობენ. ეს მკვლელობები მიზნად ისახავს საზოგადოების დაშინებას. თუ ხელისუფლება არ გააქტიურდება მინიმუმ სამ ტრუპი კიდევ დაიდება“–განაცხადა ინაშვილმა.