„თავისუფალი დემოკრატების“ ლიდერის ირაკლი ალასანიას თქმით, პრემიერმა არ იცის რა არის ვაჟკაცობა.

ამის შესახებ ალასანიამ გადაცემა "რეაქციაში" ირაკლი ღარიბაშვილის განცხადების საპასუხოდ განაცხადა.

„მას ვაჟკაცობა ჰქონია ის, რომ ლაჩრულად ზურგში ჩაარტყას დანა საკუთარ თანაგუნდელს, რომელიც წასულია საქვეყნო საქმეზე. ამას ვაჟკაცობა ჰგონია, რომ თავის ერთ ადგილას ამოდებულ პროკურატურას მიაქსევს და დააპტიმრებს ადამიანებს და ამით პოლიტიკურ ოპონენტებზე. ეს ვაჟკაცობა არ არის. თუმცა მე როგორც ადამიანი, რომელიც პატივს ვცემ ინსტიტუტებს არ მინდა ესეთი იმიჯი ჰქონდეს პრემიერს. მე ყოველთვის მაქსიმალურად თავს ვარიდებ, რომ ადამიანებზე განცხადებები გავაკეთო“,- განაცხადა ალასანიამ.

შეგახსენებთ, ირაკლი ალასანიას მიერ გაკეთებულ განცხადებას იმასთან დაკავშირებით, რომ საფრანგეთში ვიზიტისას მინდია ჯანელიძემ დაურეკა და უთხრა, არ მოეწერა ხელი საჰაერო თავდაცვის შესახებ მემორანდუმისათვის, საქართველოს პრემიერი დღეს გამართულ პრესკონფერენციაზე გამოეხმაურა:

„მე არ ვაპირებდი ალასანიას განცხადების კომენტირებას, ბატონმა მინდიამ გასცა უკვე პასუხი, მიმაჩნია რომ მსგავსი საკითხის პოლიტიზება და ამ თემებით სპეკულირება უზნეო საქმეა. სახელმწიფოებრივად მნიშვნელოვანი და საიდუმლო საქმეებით სპეკულირება ვაჟკაცების საქმე არაა .“- განაცხადა ირაკლი ღარიბაშვილმა.