„ტაბულას“ დირექტორი თამარ ჩერგოლეიშვილი 2000 წელს მომხდარ ფაქტს იხსენებს და ჰყვება, თუ რატომ უთხრა სამსახურზე უარი მის დას საგარეო საქმეთა მინისტრობის პერიოდში გიგა ბოკერიამ.

„ნეპოტიზმზე ერთი ისტორია უნდა

მოვყვე: მოგეხსენებათ, რომ 2000 წლიდან ჩემს 12 წლის დასთან და 3 ის შვილთან ერთად სტრასბურგში გადავბარგდი საცხოვრებლად.

ჩემი და, ნინო ჩერგოლეიშვილი შეიძლება ითქვას იქ გაიზარდა. დაამთავრა უნივერსიტეტი არაერთხელ და აქვს ფინანსისტის და იურისტის განათლება.

გიგა რომ საგარეო საქმეთა მინისტრის მოადგილე იყო საქართველოს წარმომადგენლობას სტრასბურგში დამხმარე დაჭირდა.

ნინუცი გარდა იმისა რომ კვალიფიკაციით აკმაყოფილებდა და აჭარბებდა კიდეც წარმომადგენლობის მოთხოვნას, ფინანსურადაც ხელსაყრელი იყო - ბიუჯეტს მისი ცხოვრების ხარჯები (ბინის ქირა) არ დააწვებოდა - ისედაც იქ ცხოვრობდა.

გიგამ ნინუცის დანიშვნა დაბლოკა - სამინისტროს მორალისთვის კარგი არ იქნებაო, არ არის სწორი ნათესავის დანიშვნაო, მიუხედავად იმისა, რომ ამასე უკეთესი კანდიდატურა არ არსებობდა.

ასეთია გიგა. ისეთები არიან ქოცები. ალბათ ამიტომ აბრალებდნენ "ქართველობის წართმევას" - როგორც ბიძინამ თქვა ნეპოტიზმი ეროვნული თვისებაა.

PS. მე ძალიან გავბრაზდი, ვთვლიდი რომ ჩემი და ჩემს გამო დაიჩაგრა. თუმცა გიგას მოტივაციაც მესმოდა“, - წერს სოციალურ ქსელში ჩერგოლეიშვილი.