ახალი მთავრობის მოსვლის შემდეგ ავტოპარკი არ განახლებულა

ახალი მთავრობის მოსვლის შემდეგ ავტოპარკი არ განახლებულა - თბილისის მერიის განცხადება

პოლიტიკა - 18:37, 27 Mar, 2015

1195

თბილისი მერია ფრაქცია „გაერთიანებული დემოკრატიული მოძრაობის“ მიერ გავრცელებულ ინფორმაციას პასუხობს, რომლის მიხედვითაც მერიის ჩინოვნიკებს 267 ავტომობილი ემსახურება და მათი შენახვის ხარჯი წლიურად 2,5 მილონ ლარს აღემატება.
"თბილისის მერიაში ახალი მთავრობის მოსვლის შემდეგ ავტოპარკი არ განახლებულა. მერიის ბალანსზე ამჟამად ირიცხება 267 ავტომანქანა, საიდანაც 239 ოპერატიულია და სხვადასხვა საქალაქო სამსახურებისა და გამგეობების თანამშრომლები, ობიექტებზე გასასვლელად, მონიტორინგისა და სხვა სამსახურეობრივი საჭიროებისთვის იყენებენ.

„ქამრების შემოჭერის“ პოლიტიკის ფარგლებში, თბილისის მერიამ ფინანსთა სამინისტროს უკვე გადაუგზავნა ხარჯების შემცირების შესახებ ინფორმაცია, რომლის თანახმად, თბილისის მუნიციპალიტეტის ადმინისტრაციული ხარჯების შემცირება 1 800 000 ლარამდე იგეგმება.

შემცირება ძირითადად ტრანსპორტისა და ტექნიკის ექსპლუატაციისა და მოვლა-შენახვის, ასევე საპრემიო ფონდის ხარჯზე იგეგმება. გარდა ამისა, ცალკეული პროგრამების/ქვეპროგრამების ფარგლებში იგეგმება საბიუჯეტო ცვლილებები, რომელთა შედეგად გამოთავისუფლებული რესურსები მიმართული იქნება ინფრასტრუქტურული პროექტების დასაფინანსებლად,"-ნათქვამია მერიის მიერ გავრცელებულ განცხადებაში.