ვიცე-პრემიერი კახი კალაძე მიიჩნევს, რომ თავდაცვის მინისტრის პარლამენტში მისვლა აუცილებელი არ არის.

ამის შესახებ კალაძემ ჟურნალისტებთან საუბრისას განაცხადა.

„ვფიქრობ, მინდია ჯანელიძემ განმარტებები გააკეთა ამ კონკრეტულ საკითხებთან დაკავშირებით. თავდაცვის სფერო არის ის ერთ-ერთი მნიშვნელოვანი რგოლი, რომელსაც მოფრთხილება სჭირდება. როდესაც მიმდინარეობს ოპონირება თავდაცვისუნარიანობაზე და კონკრეტულ თემებზე, მე ვფიქრობ გარკვეული სიფრთხილე და მიდგომები არის ჩვენი მხრიდან საჭირო“, - განაცხადა კახი კალაძემ.

შეგახსენებთ, თავდაცვის მინისტრის პარლამენტში მისვლას „თავისუფალი დემოკრატები“ ითხოვენ. მათი თქმით, მინდია ჯანელიძემ უნდა გასცეს პასუხი კითხვაზე, თუ რას აპირებს თავდაცვისუნარიანობის გაძლიერების კუთხით. ალასანიას გუნდში ფიქრობენ, რომ მინისტრი საკანონმდებლო ორგანოში მისვლას შეგნებულად აჭიანურებს.