უმრავლესობის წევრი ირაკლი სესიაშვილი მინდია ჯანელიძის პარლამენტში დაბარებასთან დაკავშირებით „თავისუფალი დემოკრატების“ მოთხოვნას "ღია კარის მტვრევას" უწოდებს.

მისი თქმით, ჯანელიძე საკანონმდებლო ორგანოში ამ დრომდე მივლინებების გამო ვერ მივიდა.

„ამ შემთხვევაში ღია კარს ამტვრევთ. ანგარიშვალდებულებას არავინ გაურბის. ეს შორს არის რეალობისგან. როგორც ჩემს მეგობარს და ყოფილ თანაგუნდელს, გეტყვით, ეს პიარი შედეგს ვერ მოიტანს. მინისტრი მზად არის მოვიდეს პარლამენტში, თუმცა კონკრეტულად როდის ვერ გეტყვით”, - მიმართა სესიაშვილმა „თავისუფალ დემოკრატებს“.

„თავისუფალი დემოკრატების“ წევრი ირაკლი ჩიქოვანის თქმით, ჯანელიძე საკანონმდებლო ორგანოში მისვლის შეგნებულად აჭიანურებს.