ანაკლიაში ჩასულ პრემიერ-მინისტრს ადგილობრივები საპროტესტო აქციით შეხვდნენ. ადგილზე განმუხურის და ანაკლიიის მოსახლეობა იყო შეკრებილი, რომლებსაც წითელი ბარათები ეჭირათ. მათ პროტესტის ნიშნად საკუთარი სახლების შესასვლელთან ბატუტიანი ლეიბები და წითელი ლენტები გამოფინეს.

ისინი ირაკლი ღარიბაშვილის ვიზიტს და იქ მიმდინარე ფორუმს აპროტესტებდნენ.

მათი თქმით, ფორუმი ანაკლიაში გასულ წელსაც ჩატარდა, თუმცა ანაკლიაში მას შემდეგ არც ერთი პროექტი არ განხორციელებულა.

მოსახლეობა პრემიერთან მისვლას და შეკითხვების დასმის უფლებას ითხოვდა. თუმცა მათ ირაკლი ღარიბაშვილთან მისვლის საშუალება არ მიეცათ. ადგილზე სამართალდამცველები იყვნენ მობილიზებული. ამის შემდეგ აქციაზე შეკრებილმა ყოფილმა სპეცრაზმელებმა და პოლიციელებმა გადაწყვიტეს სასტუმროში, სადაც ფორუმი იმართებოდა, ზღვის ნაპირიდან შეეღწიათ. თუმცა ამის უფლება მათ სანაპირო დაცვის პოლიციამ არ მისცა.

ანაკლიაში ამ წუთებში ეკონომიკური ფორუმი მიმდინარეობს, რომელსაც პრემიერი და მთვრობის წევრები ესწრებიან.