პრეზიდენტის პარლამენტში ყოველწლიურ მოხსენებაზე მუშაობა დასრულებულია.

ამის შესახებ გიორგი მარგველაშვილის საპარლამენტო მდივანმა გიორგი კვერენჩხილაძემ განაცხადა.

მისი თქმით, მოსხენების დროს განხილული იქნება საგარეო და უშიშროების პოლიტიკასთან, ასევე ეკონომიკურ პრობლემებთან დაკავშირებული საკითხები.

როგორც კვერენჩხილაძემ განაცხადა, გამოსვლაზე პრეზიდენტი შეეხება თავდაცვისა და შეირაღებული ძალების მდგომარეობას.

„საუბარი შეეხება ინსტიტუციურ თემატიკას - ინსტიტუტების გაძლიერების, დემოკრატიული ფასეულობების, ადამიანის უფლებების, სხვადასხვა ინსტიტუციური რეფორმის და სხვა საკითხებს“, - განაცხადა კვერენჩხილაძემ.

პრეზიდენტის პარლამენტში ყოველწლიური მოხსენებით 31 მარტს გამოვა.