დღეს ზუგდიდსა და ხობში პრემიერ-მინისტრს ელოდებიან. ირაკლი ღარიბაშვილი ხობში 11:00 საათზე თხილის ქარხანას დაათვალიერებს და იქ მომუშავე მუშებს შეხვდება. ეს ქარხანა 4 წლის წინ მიხეილ სააკაშვილმა გახსნა. თუმცა ამ ეტაპზე ქარხნის განახლება მოხდა.

"ნიუპოსტის" ინფორმაციით, ხობის მოსახლეობა პრემიერთან შეხვედრას ითხოვს, მაგრამ როგორც ისინი ამბობენ, მათ განუმარტეს, რომ ირაკლი ღარიბაშვილს ხალხთან შეხვედრას არ გეგმავს. პროტესტის ნიშნად მათ ცენტრალურ გზაზე არსებულ სახლებზე, სადაც დღეს ირაკლი ღარიბაშვილმა უნდა გაიაროს, წითელი ბარათი გადმოკიდეს. მოსახლეობის თქმით, ეს არის სიმბოლური ნიშანი, რომ ამ ხელისუფლებას "წითელი აენთოს". ისინი ამბობენ, რომ ხელისუფლებამ დაპირებები არ შეასრულა, საგარეო პოლიტიკა მიდის უკან, გაჩერებულია პროექტები და უმუშევართა რიცხვი გაზრდილია.

მოსახლეობა სადაზღვეო რეფორმასაც აპროტესტებენ და ამბობენ, რომ გარდა მოხუცებისა ძვირადღირებული გამოკვლევების მხოლოდ 25% უფინანსდებათ.

პრემიერ-მინისტრი დღეს სამეგრელოში ვიზიტის დროს ბიზნესმენებს შეხვდება.

სამეგრელო-ზემო სვანეთის რეგიონის ეკონომიური პოტენციალის პრეზენტაცია 14:00 საათზე ანაკლიაში გაიმართება.