აგრარულ უნივერსიტეტს საინვესტიციო ვალდებულებების შესრულებას დავუდასტურებთ- კვირიკაშვილი

პოლიტიკა - 20:47, 26 Mar, 2015

1686

სააპელაციო სასამართლოს მიერ აგრარულ უნივერსიტეტსა და ეკონომიკის სამინისტროს შორის მიმდინარე დავის საქმეზე გამოტანილ განაჩენს ეკონომიკის მინისტრი გიორგი კვირიკაშვილი გამოეხმაურა.

„მიუხედავად იმისა, რომ უფლება გვაქვს, გავასაჩივროთ ეს გადაწყვეტილება, არ ვაპირებთ გასაჩივრებას და რა თქმა უნდა, დავუდასტურებთ მათ საინვესტიციო ვალდებულებების შესრულებას, აქამდე რაც იყო, იმაზეც მინდა მცირე განმარტება გავაკეთო: არსებობდა გამოძიების მხრიდან წამოსული შეკითხვები შესრულებულ ვალდებულებებზე. ეს შეკითხვები იყო ლეგიტიმური, იმ წინასწარი ინფორმაციიდან გამომდინარე, რაც არსებობდა ხარჯებთან დაკავშირებით. ამ შეკითხვებს გაეცა პასუხი, შესაბამისად, მე პირადად ვერ ვხედავ საფუძველს იმისთვის, რომ გავასაჩივროთ სააპელაციო სასამართლოს გადაწყვეტილება“, - განაცხადა კვირიკაშვილმა
ვიცე-პრემიერის თქმით, შეკითხვები იყო საინვესტიციო ვალდებულებების შესრულებასთან დაკავშირებით და მიდიოდა ჩვეულებრივი გამოძიება.

„ამ ეტაპზე ალტერნატიული წყაროების მხრიდანაც დადასტურებულია ვალდებულებების შესრულება და დამატებითი ინვესტიციებიც არის განხორციელებული, ამიტომ საფუძველს იმისთვის, რომ გაგრძელდეს სასამართლო პროცესი, ვერ ვხედავ“, - აღნიშნა ეკონომიკის მინისტრმა.