ჯანდაცვის მინისტრი დავით სერგეენკო პრემიერის დღევანდელ პრესკონფერენციას ეხმაურება და ამბობს, რომ ირაკლი ღარიბაშვილმა მთავარი მიმართულებები ნათლად ჩამოაყალიბა.

ამის შესახებ სერგეენკომ მთავრობის სხდომის დაწყებამდე განაცხადა.

„ნათლად გაეცა პასუხები ყველა დასმულ კითხვას", - განაცხადა სერგეენკომ.

რაც შეეხება პრემიერის განცხადებას, რომ ყველა მინისტრის მუშაობით კმაყოფილი არ არის სერგეენკომ უპასუხა: „ყველას ექნება ხარვეზი და შეცდომა. რაც შეეხება კონკრეტულ მიმართულებებს, მთავრობის სხდომებზე ყოველთვის ღია და საქმიანი მსჯელობა გვაქვს ამ საკითხებზე“, - აღნიშნა სერგეენკომ.

ირაკლი ღარიბაშვილის თქმით, ის ყველა მინისტრის მუშაობით აბსოლუტურად კმაყოფილი არაა, თუმცა ამ ეტაპზე ცვლილებებს გამორიცხავს. ღარიბაშვილის განცხადებით, ის მინისტრებს მუდმივად მაქსიმუმის გაკეთებისკენ და მეტი ინიციატივის აღებისკენ მოუწოდებს.