ირაკლი ალასანიას მიერ გაკეთებულ განცხადებას იმასთან დაკავშირებით, რომ საფრანგეთში ვიზიტისას მინდია ჯანელიძემ დაურეკა და უთხრა, არ მოეწერა ხელი საჰაერო თავდაცვის შესახებ მემორანდუმისათვის, საქართველოს პრემიერი დღეს გამართულ პრესკონფერენციაზე გამოეხმაურა:

„მე არ ვაპირებდი ალასანიას განცხადების კომენტირებას, ბატონმა მინდიამ გასცა უკვე პასუხი, მიმაჩნია რომ მსგავსი საკითხის პოლიტიზება და ამ თემებით სპეკულირება უზნეო საქმეა. სახელმწიფოებრივად მნიშვნელოვანი და საიდუმლო საქმეებით სპეკულირება ვაჟკაცების საქმე არაა .“- განაცხადა ირაკლი ღარიბაშვილმა.

შეგახსენებთ, თავდაცვის მინისტრმა მინდია ჯანელიძემ ალასანიას განცხადებას უპასუხისმგებლო უწოდა და განაცხადა, რომ ამ საკითხზე მას ალასანიასთან კონტაქტი არ ქონია.