პრემიერ-მინისტრი ქვეყნის საგარეო კურსთან დაკავშირებით „მრეწველების“ ლიდერის გოგი თოფაძის განცხადებას ემიჯნება, თუმცა ამბობს, რომ ამ განცხებაში ტრაგიკული არაფერია.

როგორც დღეს გამართულ პრესკონფერენციაზე ირაკლი ღარიბაშვილმა განაცხადა, გოგი თოფაძის განცხადება მისი პირადი შეხედულებაა და კოალიციის აზრს არ წარმოადგენს.

„მრეწველების“ პარტიამ, ისე როგორც კოალიციაში შემავალმა სხვა პარტიებმა თავის დროზე ხელი მოაწერეს სადამფუძვნებლო დოკუმენტს და ისინი იზიარებენ ჩვენს მიერ გაცხადებულ პოლიტიკას, როგორც საგარეო ისე საშინაოს. რაც შეეხება თოფაძის განცხადებას, მე არ ვიზიარებ ამ განცხადებას. ეს მისი პირადი აზრია და ის კოალიციის აზრს არ წარმოადგენს. ზოგადად, მის კომენტარზე ზედმეტი აჟიტირება ხდება და არ გირჩევდით, რომ ამაზე დახარჯოთ. ეჭვი არავის ეპარება, რომ ჩვენი საგარეო პოლიტიკა ნათელია. ჩვენ ამ საკითხზე სრული კონსენსუსი გვაქვს. ვიმეორე, თოფაძის განცხადება ჩემთვის მიუღებელია, მაგრამ ამაში ტრაგიკული არაფერია. ეს არის ბატონი გოგის პირადი შეხედულება და ეს ჩვენი კოალიციის აზრს არ წარმოადგენს. იმედია ბატონი გოგი და „მრეწველების“ პარტია დაადასტურებენ, რომ იზიარებენ ჩვენს მიერ გაცხადებულ პოლიტიკას“, - განაცხადა პრემიერმა.

ნინო დათაშვილი