პრემიერის თქმით, ადმინისტრაციული ხარჯების შემცირება ინფრასტრუქტურულ და სოციალურ პროექტებს არ შეეხება.

ამის შესახებ ირაკლი ღარიბაშვილმა დღეს გამართულ პრესკონფერენციაზე განაცხადა.

„შემცირება არ შეეხება არც ერთ სოციალურ და ინფრასტრუქტრულ პროექტს. მოგეხსენებათ, ჩვენ არაერთი სოციალური პროექტი განვახორციელეთ რეგიონებში და ხალხმა მეტ-ნაკლებად ამოისუნთქა. ის პრობლემები, რომლებიც წლების განმავლობაში იყო დაგროვილი, ერთ დღეში ვერ მოგვარდება და ამის ილუზიას არ უქმნიან მოსახლეობას. ჩვენ გვირჩევნია პირდაპირ ვუთხრათ სათქმელი მოსახლეობას და არ შევუქმნათ მოლოდინები“, - განაცხადა პრემიერმა.