პრემიერ-მინისტრის თქმით, ქვეყანაში შექმნილი ეკონომიკური მდგომარეობის ერთ-ერთი მიზეზი რეგიონში არსებული რთული ვითარებაა.

ამის შესახებ ირაკლი ღარიბაშვილმა დღევანდელ პრესკონფერენციაზე განაცხადა.

მისი თქმით, ამ ეტაპზე მთავრობის უპირველესი ამოცანა არის, რომ პრობლემები რაც შეიძლება სწრაფად იყოს აღმოფხვრილი.

„ლარის კურსთან დაკავშირებული მოვლენები სწორედ საგარეო ფაქტორების ადეკვატურად განვითარდა, რაც რეგიონის სხვა ქვეყნების ეკონომიკებში ხდება. სავალუტო კურსზე დიდი მნიშვნელობა მოახდინა დოლარის გამყარებამ მთელ მსოფლიოში, და ასევე რეგიონში არსებულმა რთულმა ეკონომიკურ-პოლიტიკურმა პირობებმა განაპირობა ის, რომ ჩვენი ვალუტა გაუფასურდა“, - განაცხადა პრემიერმა.

ამ წუთებში პრემიერი სასტუმრო „ჰოლიდეი ინში“ ჟურნალისტების შეკითხვებს პასუხობს.

ნინი კაციტაძე