პრეზიდენტ გიორგი მარგველაშვილის თქმით, რეგიონში საქართველოს როლი ძალიან დიდია.

ამის შესახებ მან „ქორთიარდ მარიოტში“ მიმდინარე კონფერენციაზე განაცხადა, სადაც მთავარი თემა მსოფლიო გეოპოლიტიკაში საქართველოს როლი და ქვეყნის წინაშე არსებული გამოწვევებია.

„საქართველოს როლი რეგიონში ძალიან დიდია. ჩვენ ვართ კარიბჭე ბევრი ქვეყნისთვის აღმოსავლეთში. ესენია კავკასიის კასპიის ზღვის აუზის ქვეყნები და სხვა. მათ ვაკავშირებთ ევროპასთან. ამავდროულად, ჩვენ გვიხდება ბევრი გამოწვევების დაძლევა, როგორ უნდა განვითარდეს მთავრობა, საზოგადოება. როგორი უნდა იყოს თავისუფლების ბალანსი და როგორ მოვაქციოთ ეს ყველაფერი ერთ დინამიურ პროცესში. ამ კუთხით საქართველომ მნიშვნელოვან პროგრესს უკვე მიაღწია“, - განაცხადა უსუფაშვილმა.

ამ წუთებში, სასტუმრო „ქორთიარდ მერიოტში“ მიმდინარეობს საერთაშორისო კონფერენცია სახელწოდებით „დემოკრატიის არსი, საგარეო, ეკონომიკური და უსაფრთხოების პოლიტიკის არჩევანი რეგიონში“.

კონფერენციაში მონაწილეობას საქართველოს პრეზიდენტი და პარლამენტის თავმჯდომარე იღებენ.