სამინისტროებმა ნოდარ ხადურის უწყებას ბიუჯეტის შემცირებული ვარიანტები გადაუგზავენეს, სადაც ხარჯების დაზოგვაზეა საუბარი.

ხადური ჯერჯერობით არ აკონკრეტებს რა ცვლილებები აქვთ სამინისტროებს ხარჯვით ნაწილში. თუმცა მისი თქმით, რამდენიმე უწყებასთან მას შენიშვნები აქვს.

„ფინანსთა სამინისტროს აქვს საკუთარი მოსაზრებები და ამას დაჭირდება შედარება. შემდეგ ისევ გავლა კოლეგებთან, რადგან ჩვენი მოსაზრებები კოლეგების მოსაზრებებს შეიძლება არ დაემთხვეს. თებერვალში, იანვრისგან განსხვავებით, ეკონომიკური ზრდა ალბათ 4% მაინც იქნება. საქართველოს ბიუჯეტში თუ მოხდება ცვლილებები, ზოგიერთი მიმართულებით ხარჯი შეიძლება შემცირდეს და ზოგიერთი მიმართულებით გაიზარდოს,“ - განაცხადა ნოდარ ხადურმა.