თავდაცვის მინისტრი მინდია ჯანელიძე რამდენიმე დღის წინ ირაკლი ალასანიას მიერ გაკეთებულ განცხადებას ეხმაურება, რომელიც მათ სატელეფონო საუბარს ეხებოდა.

ჯანელიძე ალასანიას განცხადებას უპასუხისმგებლოს უწოდებს.

„თუ ეს განცხადება გაკეთდა, ეს არის უპასუხისმგებლო განცხადება. შესაბამისად სხვა კომენტარი ამაზე რა უნდა გავაკეთო არ ვიცი“, - განაცხადა თავდაცვის მინისტრმა.

თავდაცვის ყოფილმა მინისტრმა ირაკლი ალასანიამ გადაცემა "არჩევანში" განაცხადა, რომ პარიზში მისი ბოლო ვიზიტის დროს, მას მინდია ჯანელიძემ დაურეკა და უთხრა, არ მოეწერა ხელი საჰაერო თავდაცვის შესახებ მემორანდუმისათვის.

ნინი კაციტაძე