ევროკავშირის ელჩმა იანოშ ჰერმანმა სამეზობლო პოლიტიკის განხორციელების შესახებ ანგარიში და რეკომენდაციები გამოაქვეყნა.

როგორც ჰერმანმა ჟურნალისტებთან საუბრისას განაცხადა, ანგარიში მოცემული რეკომენდაციები შეეხება ხელისუფლების დაბალანსების სისტემის გაძლიერებას.

„ხელისუფლების შტოები, იქნება ეს სასამართლო, აღმასრულებელი თუ საკანონმდებლო, ერთმანეთს უნდა გაემიჯნოს. ასევე ანგარიშში მოცემულია რეკომენდაცია, რომ აუცილებელია პოლიტიკური კლიმატის გაუმჯობესება, რისთვისაც საჭიროა დაპირისპირების თავიდან აცილება და პოლარიზაცია,” - განაცხადა ჰერმანმა.

მან ასევე სასამართლოს დამოუკიდებლობის გაძლიერებაზეც ისაუბრა და აღნიშნა, რომ პროცესები პოლიტიკური მოტივებისგან თავისუფალი უნდა იყოს.

„კონკრეტულ პირებზე ვერ ვილაპარაკებ, თუმცა გეტყვით, რომ ჩვენი პოზიცია უმთავრეს პრინციპს ეფუძვნება. ჩვენ კონკრეტულ საქმეებს დაცვისა თუ ბრალდების პოზიციასთან დაკავშირებით ვერ შევაფასებთ. ეს სასამართლომ უნდა გააკეთოს. ჩვენ მხარს ვუჭერთ დამოუკიდებელი სასამართლოს გაძლიერებას. მიგვაჩნია, რომ პროცესი უნდა იყოს ღია, გამჭვირვალე და პოლიტიკური მოტივებისაგან თავისუფალი,” - განაცხადა ჰერმანმა.