„თავისუფალი დემოკრატების“ ერთ-ერთი ლიდერი ირაკლი ალასანია ე.წ. კაბელების საქმის ექსპერტზე პროკურატურის მხრიდან განხორციელებულ ზეწოლაზე საუბრობს.

მისი ინფორმაციით, ავთანდილ გუმთაიშვილი გუშინ პროკურატურაში წაიყვანეს და აიძულეს უარი ეთქვა საექსპერტო დასკვნაზე.

"ჩვენ ველოდებით უკვე მერამდენეჯერ გადადებულ სასამართლო პროცესს. პროცესი პირველ აპრილს არის ჩანიშნული. გუშინ სავარაუდოდ, ჩემი გამოსვლის შემდეგ, პროკურატურამ სასწრაფოდ წაიყვანა პროკურატურაში, შეიძლება ითქვას გაიტაცა ავთანდილ გუმთაიშვილი. ეს არის ექსპერტი, ტექნიკოსი, რომელიც ადეკვატურ, სწორ შეფასებებს აძლევდა დაცვის მხარეს და ექსპერტული დოკუმენტი შექმნა. რამდენადაც ჩვენთვის ცნობილია, ის ზეწოლის ქვეშ აიძულეს, რომ უარი ეთქვა საკუთარ საექსპერტო დასკვნაზე. ეს არის პროკურატურის და ივანიშვილის სირცხვილი. დარწმუნებული ვარ, რომ მან გადადგა ეს ნაბიჯი წინასწარ სასამართლო სხდომამდე. მე ამას ესე არ დავტოვებ. მე დღეს ევროპარლამენტშიც მქონდა ამაზე საუბარი. ეს არის კიდევ ერთი დემონსტრირება იმის, რომ ჩვენს ქვეყანაში მართლა არაფერი არ იცვლება“, - განაცხადა ალასანიამ.