ვაშინგტონი საქართველოში პროქართულ ძალას ებრძვის

ვაშინგტონი საქართველოში პროქართულ ძალას ებრძვის - ბურჯანაძე

პოლიტიკა - 15:51, 25 Mar, 2015

1301

"გაერთიანებული დემოკრატიული მოძრაობის" ლიდერმა ნინო ბურჯანაძემ განაცხადა, რომ ვაშინგტონი საქართველოში პროქართულ ძალას ებრძვის.

ბურჯანაძის თქმით, მაშინ, როდესაც "გაერთიანებული დემოკრატიული მოძრაობის" რეიტინგი იმატებს, ამერიკელები იწყებენ მცდელობას ხალხი შეაგუონ იმ აზრს, რომ პროამერიკულ ძალებს საქართველოში მხარდაჭერა აქვთ.

"საქართველოში აღარავის არ უკვირს ვაშინგტონში დაწერილი რიცხვები. ძალიან კარგად ვიცით, რომ როგორც კი ჩვენი პარტიისა და პირადად ჩემი რეიტინგი იწყებს მატებას, ამერიკელები მაშინვე იწყებენ ძალიან აქტიურ მოქმედებას იმისათვის, რომ მოსახლეობა შეაგუონ აზრს, თითქოს საქართველოში პროამერიკულ ძალებს აქვთ მხარდაჭერა. ჩვენ კი, რომელსაც გვთვლიან პროქართულ ძალად, თითქოსდა მოსახლეობის მხარდაჭერა არ გვაქვს. ძალიან სამწუხაროა, რომ ვაშინგტონი ამ გზით ცდილობს პროქართულ ძალასთან ბრძოლას. დარწმუნებული ვარ, საბოლოოდ მოსახლეობა ყველაფერს ძალიან კარგად ხედავს და სწორ დასკვნებს გამოიტანს," - განაცხადა ნინო ბურჯანაძემ.

შეგახსენებთ, რომ IRI-იმ კვლევის შედეგები გამოაქვეყნა, რომლის მიხედვითაც გამოკითხულთა 36% მხარს კოალიცია "ქართულ ოცნებას" უჭერს, 14 % - "ერთიან ნაციონალურ მოძრაობის" მხარდამჭერია, 10 % უჭერს მხარს - "თავისუფალ დემოკრატებს", 6 % -ლეიბორისტულ პარტიას ემხრობა, ხოლო 5 -5 % აქვს ბურჯანაძის „გაერთიანებულ დემოკრატებს“ და ირმა ინაშვილის „პატრიოატთა ალიანსს“.