ეროსი კიწმარიშვილის ოჯახი ყოფილი პრემიერისგან, ბიძინა ივანიშვილისგან ბოდიშის მოხდას ითხოვს.

როგორც ია კიწმაიშვილმა განაცხადა, იგი ამ დრომდე განცხადების გაკეთებისგან თავს გააზრებულად ინარჩუნებდა.

მისი თქმით, საქმის გამოძიება ჯერ არ არის დასრულებული და ნებისმიერი სახის საჯარო განცხადება შესაძლოა აღქმული ყოფილიყო, როგორც პოლიტიკური ხასიათის და მან ზეგავლენა მოახდინოს გამოძიების პროცესზე.

„ჩვენ, ეროსი კიწმარიშვილის ოჯახი, მივიჩნევთ, რომ ისეთი გავლენიანი პირის განცხადება, როგორიც არის ბიძინა ივანიშვილი, აღიქმება როგორც ზეწოლა მიმდინარე გამოძიებასა და სასამართლო დავებზე. მიგვაჩნია, რომ ივანიშვილის შეფასება სიმართლეს არ შეესაბამევა და ღისრების შემლახველ ხასიათს ატარებს და არღვევს ნებისმიერ ცივილიზებულ საზოგადოებაში დამკვიდრებულ მორალურ ნორმას გარდაცვლილი ადამიანის აუგად არმოხსენიების შესახებ. მიუღებელია სხვა ადამიანის მიღწევების დაკნინება, მითუმეტეს ჯერ კიდევ მის სიცოცხლეშია აღიარებული ეროსი კიწმარიშვილის უდიდესი წვლილი საქართველოში თავისუფალი მედიისა და დამოუკიდებელი ჟურნალისტიკის შექმნის საქმეში. სწორედ ეროსი კიწმარიშვილის სახელს უკავშირდება „რუსთავი 2“-ის და „მაესტროს“, როგორც დამოუკედებელი და ობიექტური მედიასაშუალებების ჩამოყალიბება. მივიჩნევთ, რომ ბიძინა ივანიშვილის განცხადება არის პირდაპირი ზეწოლა ოჯახზე, ეროსის სახელის და მისი ხსოვნის შეურაცხყოფა. ამიტომ ა ვითხოვთ მისგან საჯარო ბოდიშის მოხდას“, - აღნიშნა ია კიწმარიშვილმა.

რამდენიმე დღის წინ ექსპრემიერმა ბიძინა ივანიშვილმა განაცხადა, რომ ტელეკომპანია „მაესტრო“ მართული იყო.

„ ეროსი კიწმარიშვილი ჩემი მოსვლის შემდეგ ძლივს გავიდა „მაესტროდან“ და სადაც ეროსი კიწმარიშვილი იყო, იქ როგორ შეიძლება ილაპარაკო ობიეტურობაზე“, - აღნიშნა ივანიშვილმა.