თბილისის მერი დავით ნარმანია სამგორის გამგებლის ავტომობილისთვის ცეცხლის წაკიდების ფაქტს ეხმაურება.

ნარმანიას თქმით, ის დარწმუნებულია, რომ ფაქტზე, გამოძიება საინტერესო შედეგს დადებს.

„არ შემიძლია არ გამოვეხმაურო გუშინ მომხდარ ფაქტს. კერძოდ, სამგორის რაიონის გამგებლის ავტომანქანას წაუკიდეს ცეცხლი. ფაქტზე მიმდინარეობს გამოძიება. მე შეფასებისგან თავს შევიკავებ. დარწმუნებული ვარ, რომ გამოძიება საინტერესო შედეგს დადებს. თუმცა, როგორც ფაქტი ძალიან მძიმე და რთულია“, - აღნიშნა დავით ნარმანიამ.

სამგორის რაიონის გამგებელის მამუკა ჩოქურის კუთვნილ "ტოიოტას" მარკის ჯიპს გუშინ, ამ დრომდე დაუდგენელმა პირებმა ცეცხლი წაუკიდეს და შემთხვევის ადგილიდან მიიმალნენ.

ინციდენტი აკურის 22 ნომერში მოხდა. ხანძრის ჩაქრობა მამუკა ჩოქურმა მეზობლების დახმარებით შეძლო.