სოფელ ერგნეთში დღეს ინციდენტების პრევენციისა და მათზე რეაგირების მექანიზმის ფარგლებში მორიგი, რიგით 53-ე შეხვედრა გაიმართება.

შეხვედრაზე ბოლო ერთი თვის განმავლობაში მომხდარ ინცინდენტებზე ისაუბრებენ.

ცნობილია, რომ ქართული მხარე საოკუპაციო ხაზთან მცხოვრები მოსახლეობისთვის, სააღდგომოდ საფლავებსა და სალოცავებში გასვლის საშუალების მიცემის საკითხს დააყენებს.

შეხვედრაზე ასევე იმსჯელებენ პატიმრებისა და უგზოუკლოდ დაკარგულების შესახებაც, ასევე გამყოფი ხაზის გასწვრივ მავთულხლართების გავლების შედეგად მოსახლეობისთვის შექმნილ პრობლემებზე და კოშკა-ქერეს მონაკვეთზე არსებულ ვითარებაზე.

შეხვედრებში ქართულ მხარეს, შერიგებისა და სამოქალაქო თანასწორობის საკითხებში სახელმწიფო მინისტის აპარატი და შინაგან საქმეთა სამინისტრო წარმოადგენენ.

ნინი კაციტაძე