საგანგებო თათბრი სოხუმში - აფხაზეთის რუსეთიზაციის მორიგი გეგმა და ფილმი არძიმბაზე

პოლიტიკა - 23:59, 24 Mar, 2015

2815

აფხაზეთს დეფაქტო ხელისუფლებამ დღეს საგანგებო თათბირი გამათა, სადაც, არსებული ინფორმაციით, დეფაქტო პრეზიდენტის რაულ ხაჯიმბას მიერ საზღვრის დაცვის დეპარტამენტის უფროსად, რუსეთის თავდაცვის პოლკოვნიკი დიმიტრი იუდინი დაინიშნა. უფრო ადრე ამ პოსტს სერგეი კომარცევი იკავებდა, რომელიც დაახლოებით 5 წელზე მეტია, რაც აფხაზეთში რუსეთის საოკუპაციო ძალების შტაბს ხელმძღვანელობს და წელიწადზე მეტია, რაც რუსეთის თავდაცვის სამინისტროს სასაზღვრო ძალების სარდლის მოადგილეა. სერგეი კომარცევი ორჯერ არის დაჯილდოებული, მას აფხაზეთის საპატიო მოქალაქეობა აქვს. კომარცევი საგანგებო სხდომაზე სიტყვით გამოვიდა და მის საქმიანობას შედეგიანი უწოდა.

საგანგებო თათბირზე გადაწყდა, რომ აღინიშნება არძიმბას დაბადების დღისადმი მიძღვნილი დღეები. გადაწყვეტილია, რომ საიუბილოედ არძინბას ძეგლი დაუდგან. როგორც დეფაქტო აფხაზეთის მთავრობის კულტურის მინისტრმა განაცხადა, არსებობს საარქივო მასალები, რომელიც მოიცავს 1991-93 წლებს, როცა ის მოხალისეებს აგროვებდა და რომელიც იყო მზადება დამოუკიდებელი სახელწმიფოს შექმნისთვის, მისი თქმით, ეს უნდა გახდეს მაგალითი აფხაზეთის ტერიტორიაზე მცხოვრები ადამიანებისთვის. ასევე იგეგმება მისი სახელწოდების ჯილდოს დაწესება, გარდა ამისა, რუსეთის დაფინანსებით და რუსი კინემატოგრაფისტების მონაწილეობით ვლადისლავ არძიბმას შესახებ ფილმს გადაიღებენ, ფილმის გადაღებას ხელმძღვანელობს ვინმე ვლადიმერ ზანთარაია.

დღეს ამავე თათბირზე სოხუმში ჩამოვიდნენ რუსეთის ტურიზმის დეპარტამენტისა და რუსეთის წამყვანი ტურისტული კომპანიის ხელმძღვანელები, რომლებმაც დეფაქტო პრეზიდენტთნ შეხვედრის შემეგ დახურულ კარს მიღმა განიხილეს იმ ტურისტული ობიექტების გადმოცემასთან დაკავშირებული საკითხები, როგორიც არის რიწა, ახალი ათონი და ა.შ. საუაბრი ეხებოდა მათი მხრიდან ინვესტიციების ჩადებას. გარდა ამისა, მათ ობიექტების საკუთრებაში გადამის სურვილი გამოთქვეს, თუ ეს სოხუმში სკანდალისა და ხმაურის თემა არ გახდებოდა.

ამასთან ერთად, საუაბრია სასტუმრობის შესყიდვაზეც. თუმცა ამას ხაჯიმბასთან ოპოზიციაში მყოფი ბჟანიას პროტესტი მოჰყვა, სწორედ მან გაამჟღავნა ეს ინფრომაცია და აცხადებს, რომ ეს არის აფხაზეთის რუსეთიზაცია და რომ ამას შეგნებულად აკეთებს ხაჯიმბა. მისი განმარტებით, რუსეთმა გამოყო თანხა, რომლითაც იგეგმება სანაპირო ზოლის გაწმენდა და შეკეთება. ბჟანიას თქმით, ამხელა თანხის ჩადება რუსეთს უღირს, რადგან მიზანი ამის არის, რომ რუსეთის მიმართ მოსახლეობას ნდობა გაუჩნდეს და რომ მათ რუსული პასპორტები აიღონ, ამას ბჟანია რუსეთისთვის აფხაზეთის გადაცემას უწოდებს და მოუწოდებს მოსახლეობას, რომ მოპოვებული აფხაზეთის დამოუკიდებლოა დაიცვან, ბჟანიამ საგანგებოდ გამართულ დეფაქტო აფხაზეთის მთავრობის თათბირზე დასწრებაც მოითხოვა, სადაც ის არ დაუშვეს.