საპარლამენტო უმრავლესობის წევრის გია ჟორჟოლიანის განცხადებით, ყოფილი პრემიერი ბიძინა ივანიშვილი სახელისუფლებო ძალის არაფორმალური ლიდერია. "რუსთავი2"-ის გადაცემა „არჩევანში“დეპუტატმა მისი განცხადების შინაარსი განმარტა.

„საიდუმლო არ არის რომ ბატონი ივანიშვილი სარგებლობს მაღალი რეიტინგით, როგორც საზოგადოებაში ასევე მთავრობაში და უმრავლესობაში. შეგვიძლია წარმოვიდგინოთ, რომ ის გარკვეულად არაფორმალური ლიდერი არის, ის მმართველობაში მონაწილეობას არ იღებს უშუალოდ. ეკონომიკაში ჩარევას შეიძლება ახორციელებს ირიბად, მას აქვს ლიდერის პოზიცია. ის იყო ლიდერი იმ ძალისა, რომელმაც ნაციონალური მოძრაობა დაამარცხა. ის არაფორმალური ლიდერი ნამდვილად არის.“- განაცხადა ჟორჟოლიანმა.

_{ნინო ზედგენიძე}