პრეზიდენტი საფრანგეთში მომხდარი ავიაკატასტროფის გამო ღრმა მწუხარებას გამოთვამს და დაღუპულთა ოჯახებს სამძიმარს უცხადებს.

ამის შესახებ გიორგი მარგველაშვილის მიერ გავრცელებულ სამიმრის განცხადებაშია ნათქვამი.

„ღრმა მწუხარებას გამოვთქვამ საფრანგეთში მომხდარი ავიაკატასტროფის გამო და ვუსამძიმრებ დაღუპულთა ოჯახებს“, - ნათქვამია პრეზიდენტის სამძიმრის განცხადებაში.

თვითმფრინავი, Airbus A320, რომელიც ბარსელონადან დიუსელდორფის მიმართულებით მიფრინავდა, ზემო პროვანსის ალპების ტერიტორიაზე ჩამოვარდა.

ბორტზე 142 მგზავრი და ეკიპაჟის ექვსი წევრი იმყოფებოდა.

საფრანგეთის პრეზიდენტის განცხადებით, სავარაუდოდ ყველა მგზავრი დაიუპა. მგზავრთა უმრავლესობა გერმანიის მოქალაქეა.

გავრცელებული ინფორმაციით, თვითმფრინავს პრობლემები აფრენიდან რამდენიმე წუთში დაეწყო. ჩამოვარდნამდე, რამდენიმე წუთით ადრე პილოტები განგაშის სიგნალს იძლეოდნენ.

მაშველები თვითმფრინავს ამ დრომდე ეძებენ. თუმცა, ფაქტობრივად გზის არარსებობის გამო, კატასტროფის ადგილამდე მიღწევას ვერ ახერხებენ.