თბილისის საკრებულოს ფრაქცია "ნაციონალური მოძრაობა-თბილისის" თავმჯდომარე ირაკლი აბესაძე საკრებულოში მისვლასთან დაკავშირებით დავით ნარმანიას უარს, სოციალური ქსელში ეხმაურება და აცხადებს, რომ „სუს“-სგან შვიწროვებულ მერს საკუთარი დაწერილი კოდექსი დაავიწყდა:

„ტოტალური კორუფცია, ტოტალური უსაქმურობა, ტოტალური ზრუნვა მხოლოდ ჩინოვნიკების და მათი ნათესავების პირად კომფორტზე და ამის გამო თბილისში შეფერხებული განვითარება - ამ საკითხებზე სასაუბროდ, ჯერ კიდევ თბილისის მერი, ნარმანია საკრებულოს რეგლამენტის შესაბამისად, როგორც თბილისის მთავრობის წევრი ფრაქციის სხდომაზე დავიბარეთ. ,,ნაციონალების დაძახილზე არ მივალ" - განცხადა დისტანციურად მამაცმა დავით ნარმანიამ, თუმცა ოფიციალურად გამოგზავნილ წერილში თბილისის მერია ცდილობს დაასაბუთოს, რომ მერი მთავრობის წევრი არაა.

ადგილობრივი თვითმმართველობის კოდექსი, მუხლი 74:

,,2. მთავრობა შედგება თბილისის მერის, მისი პირველი მოადგილის (ვიცე-მერის) და მოადგილეების, თბილისის მერიის სტრუქტურული ერთეულების ხელმძღვანელებისგან (გარდა თბილისის მერიის სისტემაში შემავალი, კონტროლისა და ზედამხედველობის განმახორციელებელი სტრუქტურული ერთეულების ხელმძღვანელებისა) და თბილისის რაიონების გამგებლებისგან."

საკუთარი დაწერილი კოდექსიც კი დაავიწყდა ,,სუს"-ისგან შევიწროვებულ მერს.

P.S. ეს სამარცხვინო წერილი, როგორც ჩანს" მერიის იურიდიულმა სამსახურმა მოამზადა. ძალიან ვწუხვარ, მერიის იურიდიული სამსახური სახელმწიფო უწყებების იურიდიულ დეპარტამენტებში ერთ-ერთი ყველაზე კვალაფიციური იყო ადრე.”- წერს ირაკლი აბესაძე.