თბილისის მერის დავით ნარმანიას თქმით, „ნაციონალური მოძრაობის“ ყოველი მოთხოვნის შესაბამისად ის საკრებულოში მისვლას არ აპირებს.

ასე განმარტა ნარმანიამ „ნაციონალური მოძრაობის“ ფრაქციის სხდომაზე მიუსვლელობის მიზეზი.

„მათ დაძახილზე არ მივდივარ საკრებულოში. მე არ მავალდებულებს კანონი, ყველა ასეთ დაძახილზე მივიდე, თანაც აპრილის დასაწყისში კანონმდებლობით ისედაც უნდა წარვდგე მათ წინაშე. ასე რომ, თუ რაიმე კითხვები აქვთ, შეუძლიათ დამისვან, როცა მივალ იქ“, - განაცხადა ნარმანიამ.

რაც შეეხება დედაქლაქის ბიუჯეტში ცვილებების შეტანას, ნარმანიას თქმით, პროექტს საკრებულოში წარადგენენ.

„ადმინისტრაციული ხარჯების შედეგად მიღებული ეკონომია მთლიანად კაპიტალურ ხარჯებში იქნება გადატანილი“, - განმარტავს ნარმანიამ.