22 მარტს, საბაჟო გამშვები პუნქტის, „ყაზბეგის“ ტერიტორიაზე დააკავეს რუსეთის ფედერაციის მოქალაქე ა.გ, რომლის ბარგის დათვალიერების შემდეგ მებაჯე ოფიცრებმა არადეკლარირებული თანხა 76 300 ევრო (181304,06 ექვივალენტი ლარში) აღმოაჩინეს.

დაკავებული რუსეთის ფედერაციიდან საქართველოს ტერიტორიაზე შემოდიოდა. პიროვნებას საქართველოს საგადასახადო კოდექსის 289-ე მუხლის მე-13 ნაწილის შესაბამისად, სანქციის სახით შეეფარდა ჯარიმა 3 000 ლარის ოდენობით.

ლაშა ჯაფარიძე