საპარლამენტო უმრავლესობის წევრი გია ვოლსკი ანტიკორუფციული კომიტეტების გახსნასთან დაკავშირებით „ნაციონალური მოძრაობის“ინიციატვას აფასებს.

დეპუტატის თქმით, ოპოზიციის ახალ გეგმაზე უმრავლესობას საწინააღმდეგო არაფერი აქვს.

„ნაციონალური მოძრაობა“ არ ენდობა არანაირ მთავრობას, გარდა იმ მთავრობისა, რომელიც თვითონ წარმოუდგენიათ, რომ უნდა არსებობდეს და რომელმაც საქართველოს სერიოზული დაღი დაასვა. კორუფციული სქემების დალაგების დიდი გამოცდილება აქვთ მათ. თუ მათ კორუფციული სისტემების საწინააღმდეგოდ ნოუ-ჰაუ ექნება, რომელიც მათ გამოცდილებას პოზიტიურისკენ შეატრიალებს, რატომაც არა“, - განაცხადა ვოლსკიმ.

„ნაციონალური მოძრაობის“ ინფორმაციით, ანტიკორუფციული კომიტეტები თბილისში, გურჯაანსა და სენაკში გაიხსნება.

ნინი კაციტაძე