„ნაციონალური მოძრაობის“ პოლიტსაბჭოს სხდომა დასრულდა. პარტიის წევრების თქმით, შეხვედრაზე ქვეყანაში შექმნილ მდგომარეობაზე ისაუბრეს. ასევე განიხილეს მთავრობის იმპიჩმენტის პროცესის დაწყების საკითხი.

"ჩვენ ვდგამთ კონკრეტულ ნაბიჯებს იმისათვის, რომ იმპიჩმენტის პროცესი დაიწყოს. ამ გადაწყვეტილებას ხელი 60-მა კაცმა უნდა მოაწეროს. ამისათვის შევხვდებით კოლეგებს. ყველამ ვიცით, რომ ამ ხელისუფლებამ ქართველი ხალხი მოატყუა", - განაცხადა აკაკი მინაშვილმა.

მათი ინფორმაციით, სამოქმედო გეგმის ნაწილია ანტიკორუფციული კომიტეტების შექმნა და აქციები.

„სხდომაზე მიღებულ იქნა გადაწყვეტილება, რომლის მიხედვითაც ანტიკორუფციული კომიტეტები თბილისში, გურჯაანსა და სენაკში გაიხსნება. რაც შეეხება აქციებს, საზოგადოებას ამის შესახებ წინასწარ მივაწვდით ინფორმაციას“, - განაცხადა გაბაშვილმა.