ვიცე-სპიკერი მურმან დუმბაძე მომხრეა მთავრობის იმპიჩმენტის პროცესი დაიწყოს.

ამის შესახებ დუმბაძემ ჟურნალისტებთან საუბრისას განაცხადა.

„საქართველოს მთავრობას 2 წელიწადზე მეტია ქვეყანაში არაფერი გაუკეთებია. ჩემი ხელმოწერა ამ ქაღალდზე იქნება. ეს არ ნიშნავს, რომ ჩვენ ვუჭერთ მხარს „ნაციონალურ მოძრაობას“, პირიქით ისინი გვიჭერენ ჩვენ მხარს, რადგან ჩვენ გაცილებით ადრე დავიწყეთ იმპიჩმენტის პროცედურა“,- განაცხადა დუმბაძემ.

შეგახსენებთ, „ნაციონალურმა მოძრაობამ“ მთავრობის იმპიჩმენტის პროცედურის დაწყების შესახებ ინიციატივა 21 მარტის აქციაზე გააჟღერა. მათ პროცედურის დასაწყებად 60 დეპუტატის ხმა სჭირდებათ. უკვე ცნობილია, რომ „ნაციონალების“ინიციატივას „თავისუფალი დემოკრატები“ მხარს არ უჭერენ.