"გაერთიანებული დემოკრატიული მოძრაობის" ლიდერის ნინო ბურჯანაძის განცხადებით, „ქართული ოცნება“ ხელისუფლებიდან უნდა წავიდეს.

მისი თქმით, „ოცნების“ მთავარი ამოცანა ხელისუფლების ნებისმიერ ფასად შენარჩუნებაა.

როგორც ბურჯანაძე განმარტავს, ქვეყნის ინტერესები არც „ნაციონალურ მოძრაობას“ და არც მმართველ გუნდს არ აინტერესებს.

„ერთადერთი გამოსავალი ამ ყველაფრიდან ვადამდელი საპარლამენტო არჩევნებია, რათა ხელისუფლებას ორი პოლიტიკური ძალა მოშორდეს, რომლებიც ხალხის მოტყუებით დაკავებულნი არიან. ქვეყანას "ქართული ოცნება" უნდა მოშორდეს, რომელიც გადამგდებია. ხელისუფლებაში პოლიტიკური ძალა უნდა მოვიდეს, რომელიც არა საკუთარ კეთილდღეობაზე, არამედ ქვეყნის პრობლემების მოგვარებაზე იზრუნებს. ასეთი პოლიტიკური ძალა სწორედ ჩვენ ვართ“, - განაცხადა ბურჯანაძემ.

ნინი კაციტაძე