„თავისუფალი დემოკრატების“ ლიდერის ირაკლი ალასანიას განცხადებით, საქართველოს ტერიტორიაზე ერთობლივი საწვრთნელი ცენტრის გახსნის შესახებ გადაწყვეტილებას ნატო არ ცვლის.

ამის შესახებ ალასანიამ ბრიუსელში ვიზიტისას განაცხადა, სადაც მან შეხვედრა ნატოს გენერალური მდივნის მოადგილე ალექსანდრ ვერშბოუსთან გამართა.

მისი თქმით, განხილვის მთავარი თემები არსებითი პაკეტის განხორციელება და საქართველოს ტერიტორიაზე საწვრთნელი ცენტრის განთავსება იყო.

„მინდა თამამად ვუთხრა საზოგადოებას, რომ ნატოს მხრიდან ამ გეგმაში არაფერია შეცვლილი. მნიშვნელოვანია, რომ ყველა დეტალის იმპლემენტიაცია მიმდინარეობს, რომელიც შეთანხმებული იყო. სულ ეხლახალს იყო ჩამოსული საქართველოში შემსწავლელი ჯგუფი ნატოსგან. პრინციპული საკითხი, რომ საქართველოს ტერიტორიაზე ერთობლივი საწვრთნელი ცენტრი იქნება, ნატოს მხრიდან ამ შეთანხმების რევიზია და გადახედვა არ იგეგმება. იმედია არც საქართველოს მხრიდან“, - განაცხადა ალასანიამ.