პრეზიდენტის ადმინისტრაცია პარლამენტს თხოვნით მიმართავს, რომ 31 მარტს გიორგი მარგველაშვილის მოხსენების მოსასმენად სასამართლოს, აღმასრულებელი ხელისუფლებისა და დიპლომატიური კორპუსის წარმომადგენლები მიიწვიოს.

ამის შესახებ ჟურნალისტებთან საუბრისას პრეზიდენტის საპარლამენტო მდივანმა გიორგი კვერენჩხილაძემ განაცხადა.

მისი თქმით, პრეზიდენტი მზად არის, პარლამენტში მოხსენება ნებისმიერ ფორმატში წარადგინოს.

„მოხსენების შინაარსიდან გამომდინარე, კარგი იქნება, თუ გამოსვლას აღმასრულებელი და სასამართლო ხელისუფლება, ასევე დიპკორპუსის წარმომადგენლები დაესწრებიან. ამ ადამიანების მოწვევის მიზნით, პარლამენტს თხოვნით მივმართავთ“, - განაცხადა კვერენჩხილაძემ.

პრეზიდენტი პარლამენტში ყოველწლიური მოთხოვნით 31 მარტს წარდგება.

ნინი კაციტაძე