შსს-ს საზოგადოებასთან ურთიერთიერთობის სამსახურის ერთ-ერთი თანამშრომელი სოციალურ ქსელში უნივერსიტეტის ქუჩაზე მომხდარი ფაქტის შესახებ წერს.

როგორც მისი პოსტიდან ირკვევა, ახალგაზრდა მამაკაცი, რომელიც სავარაუდოდ ალკოჰოლით მოიწამლა, ქუჩაში შეუძლოდ გახდა. მართალია ინციდენტი უჩვეულო და გამონაკლისი არ არის, მაგრამ, როგორც ირკვევა უგონო მდგომარეობაში მყოფ ახალგაზრდას საზოგადოება გულგრილად მოექცა და მისი დახმარება არავის უცდია.

„დღეს კიდევ ერთხელ დავრწმუნდი, რომ მაგარი ფეხებზე ჰკიდია ხალხს ერთმანეთი... სეირის მაყურებელი ხალხი ვართ... მოკლედ, დღეს დილით გავიღვიძე და ფანჯრიდან ვხედავ, რომ გაჩერებასთან ახალგაზრდა მამაკაცი გდია, ზედ აწვიმს... ხალხი მიდი-მოდის და გვერდს უვლიან ისე, თითქოს დამხვრჩალ კატას არიდებენ ფეხს... დავრეკე 112-ში, მალევე გაჩნდა პატრულიც და სასწრაფოც... მხოლოდ ამის შემდეგ შეიკრა სეირის მაყურებელთა წრე, ყალბი ვაი-ვიშვიშით - "საცოდავი", "უბედური" და ა.შ.. ის ადამიანი საავადმყოფოში წაიყვანეს, საბედნიეროდ კარგად არის, ალკოჰოლით იყო მოწამლული.... მას ეშველება, მაგრამ აი იმ "მოვიშვიშეებს" არამგონია რამე ეშველოთ....

P.S თუ დახმარება თქვენ თავად არ შეგიძლიათ 112-ში დარეკვას ხომ წინ არაფერი უდგას!“, - წერს შსს-ს საზოგადოებასთან ურთიერთიერთობის სამსახურის თანამშრომელი.